حظوظ وتوافيق _ في الامير (راشد بن عبدالعزيز بن سعود)
ياراشـد الدنيـا حظـوظ iiوتوافيـق
والعبد ماله غير ما الله قسـم iiلـه
حقـك علينـا لاطرقنـا iiالطـواريـق
اصعب طواريق الشعر نحتزم iiله
نرضي مخاليقٍ ونزعـل مخاليـق
ولاننوخـهـا عـلـى بـيــت iiنـمـلـه
اهم شي طويـق وبناخـي طويـق
اثنين يفداهـم مـن النـاس iiجملـه
الفوز برضى هالثنتين المطاليـق
يسوى من العملات عمله وعمله
والا ان بيبـان الضمايـر iiمغاليـق
ولا كـل وجـهٍ يبتسـم نبتسـم iiلـه
وانـا معاهـد والعهـد لـه مواثيـق
اني لا احفظ له الوفا والتـزم iiلـه
ياكثر مافـرج عليـه مـن iiالضيـق
مواقفه بس حـزة الضيـق iiجملـه
مناكـبـه للحـمـل فيـهـا iiمعـالـيـق
يوم ان غيره يـاالله يشيـل حملـه
الليالي مشاكلها عراض طوالي
الليالي مشاكلهـا عـراض iiطوالـي
للنفوس الشقيـه والنفـوس السعيـده
غاره من يمين وغاره مـن شمالـي
توهمك بالهدوء وعاصفتهـا iiشديـده
ياوجودي علي الراحه وياوجد iiحالـي
ليت مالـي مـع الشعـار ولانشيـده
هب ياهالزمان اللي غزانـي iiلحالـي
كل يوم علي الهاتف يجيني iiقصيـده
ذي معاتب حبيب وذي مشاريه iiغالي
وذي تحفض من السكر وهاذي تزيده
والعرب علمهم بي يوم صدري شمالي
والليالي مقفت بـه لايمكـن iiتعيـده
روحت مع مهب الريـح iiياهملالـي
ماحد جت له الدنيـا علـي iiمايريـده
والتجارب عطتنا ميـزه iiالاحتمالـي
ودرستنا مشاويـر الحيـاه iiالبعيـده
ان مابه حيـاه الا وراهـا iiزوالـي
والبنـادم بهالدنيـا شبوحـه iiبعيـده
مير ماهيب لامكسب ولاراس مالـي
كود من حط قوله والنعم في iiرصيـده
وطاب عند البعيد وطاب عند iiالموالي
وله نصيب الاسد من الخصال الحميده
وان تثنت عزوم مشوربيـن iiالعيالـي
عزمه اقوي من ظروف الحياه iiالعنيده
يرتكي بالمناكـب للحمـول iiالثقالـي
والطفر في راسه المطنوخ والا iiوريده
خل فعل الجدود وخل فعـل الخوالـي
ندري انك ولدهم والعلاقـه iiوطيـده
وندري ان فعلهم يستر بنات الحلالـي
حتي لو جدك اكحيلان وانته iiحفيـده
اما حث القدم واطلع علي راس iiعالي
والا خلك كذا وان مت ما انت iiبفقيده
